Ausfahrt moing (12.09.) in bairischen Wold

[XJR Michl]

Moing forma in bairischen Wold und bsucha kurz an Sepp und dann weida.
Bis etz san ma 3 Leidl, da Ritsch, Hans und i.
Vieleicht foarn no a boa mid.
Treffpunkt is um 11:30h in da Avia Tankstell in da Frankenstrasse in Rengsburg.

[josefxjr]

Ois klar,

wenn's do seid's dann seid's do...

Zeit bassd aa, wei do bin dann aa scho von da Kircha dahoam!

[XJR Michl]

Bin grod ersd hoamkuma vo da zwoatn Ausfahrt. Hob mim Anhänga de GSX vom Spezl in Amberg kold weilsn leicht gschmissn hod und as Schlüsslboa is a hi. Moing kimda undas Messa.
Wos isn mid de zwoa neia Rengsburga, hobds koa Zeit zum midfoarn?

[josefxjr]

Schee wars Mana!

Oba naxts Moi aa bissl langsamer, gell!

De oid'n Mana rasn wia de Blädn aaf da B16 zwischen Wiesing und Roßbach...

[XJR Michl]

Konn i nur zustimma.
A scheene Yami Ausfahrt, woar a a V-Max dabei, und daa Sepp hod uns seine Seitnstrassaln zogd
@Sepp: Hädsde du vo der BMW übaholn lassn de woma im Knack ghokd is . Mei Weibal hod scho a weng gschwizt

[XJR-Ritsch]

A wenn i überhaupt nimma gwußt hob, wo i bin, was super schee.
De klorna Landstrassn warn klasse.
Aba zum Schluß war dann doch a bisserl z`schnell.

Ritsch

[XJR Michl]

Vo Roschbach bis Rengsburg woa doch langsam.

[josefxjr]

Vo Roschbach bis Rengsburg woa doch langsam.

Hosd wieda an BMW- Fahrer im Gnack g'hobt?

[XJR Michl]

Naa Sepp, a zahme V-max.

[Roman]

Kon so a eisnbrocka überhaupts mit ana XJR midhoitn?