Mir leben zwar angeblich in ana Demokratie, aber mir Bayern wissn, dass a so a Häuptling net schlecht is.
Ohne den Jörg dabei übergehen zu wollen, hät i folgenden Vorschlag:
Meines Wissens geht die Aktion mit dem Forumswechsel auf`n Toni sein Weitblick zruck, weil er gsogt hod, dass da Admin nimmer auffindbar is, oder so.
Damit hät ma dem Toni zu verdanken, dass des neie Forum entstanden is und sich so schee entwickelt.
Da Toni hät als Häuptling mehrere Vorteile:
1. A Häuptling muas weise und erfahren sei, do geht koa junga Spund
2. Wia in Bayern üblich, muas da Häuptling a Oberbayer sei (Ausnahmen bestätigen die Regel) und Altötting liegt grod no in Oberbayern, oder?
3. Altötting, des liegt net weit von Marktl, aus dem Eck kemma bekanntermaßen guade Häuptlinge
4. Altötting, des liegt net weit von Rott am Inn, vielleicht springt notfois da FJS-Spirit über
5. Er kennt die meisten do und hod a vui Kontakte
Oiso häd i den Toni als Häuptling, ehrenhalber, vorgschlong.
Und do is a no da Albert, den i hoffentlich am Samstag amoi am Stammtisch endlich sig.
Der wollt nimma, soweit i woas, wos i a versteh ko, weil es hod sich wirklich nichts mehr bewegt im oidn Forum. Also hod der Albert a an gewissen Anteil an dem Ganzen. Vielleicht gibts do an Ministertitel, ehrenhalber, oder so.
Und schließlich der Jörg, ohne dem des net ganga war, und der hier hervorragende Arbeit geleistet hat. Fürn Jörg hät i den Präsidentenposten no parat, ehrenhalber.
Wos moants ihr dazu? Um fleißige Wortmeldungen wird gebeten, denn des Forum lebt und es lebt durch die Mitglieder.
An scheena Dog.
