Bayerisch einfach erklärt, z. B. Tschüss

[XJR Michl]

Wer braucht no schnell a Maschgara-Gwand
Warum net ois Vogl geh Ois diebische Elster
Einfach an Schnobe basteln aus Babbadeckl, a Bischofskapppe und schon bist de diebische Tebartz van Elster
Scheena Obnd no wünsche eich.

[XJR Michl]

A boar Stund no, nacha is Kehraus, dann iss vorbei mit da narrischen Zeit.
Oba dann gädts ja bei uns in Bayern nahtlos über in d'Starkbierzeit.

[XJR Michl]

Liaba Herr Hoeneß,
du oida Bscheissa du, hoffentlich merggan jetz Deine Schof endlich wos Du für oana bist, jedemfois hams heit ganz schee bläd gschaugt, wias ghört ham, dass Du fast 20 Millionen Steiern hintazong host, und net "bloß"
3 Millionen. Aba - zur Beruhigung: De Schof ham gsagt, des machan doch olle Leithammen a so, dann deafstas aa Du!?! jaja, oamoi Schof, imma Schof, in diesem Sinne an scheena Obnd no, und vielleicht kemman ja moig no a boar Millionen dazua, wissen duatmas ja nia!?! Hoffentlich deafst Du Deine Schofal boid in Stadelheim zähln, natürle in guada Nachbarschaft mit olle andern Leithammen!

[XJR Michl]

Dees mim Uli, oder hoasst er nacha doch Tebartz Hoeneß iss ja wia bei da Christbaamversteigerung bei da Feierwehr:
Wer bietet mehr????
A so a Saustoi, pfui Deife!!!

[XJR Michl]

Des mächst ja net glaun, und i ham immer gmoant, a Spofagge is a "Spanferkel" - aba z'Minga hoasst des jetz anscheinend "Sparschwein"???
Oba für 7fuchzge is des ja aa net grod a Schnäppchen, oda? I glaub, de ham se einfach vaschriebn oda woiddn bsonders lustig sei, wia momentan Bayern 3,
wo da Verkehrsservice nimma Verkehrsservice hoasst, sondern "aktuelles Verkehrsaploud" samt genau in Minutn ogebne Zeit, wo ma vasaamt?!?!?!
De spinnan, de Stooderer.

[mario1]

kennsd di hoid ned aus in da großn schdod !

[XJR Michl]

Ja miassn jetz Kinda, bevors am Spuiblotz gengan, erst no Daferl studiern? I bin lang davor gstanna, und bin ums varegga net draufkemma, wos der durchgstrichane Helm bedeit:
Deaf ma do mit Helm ned schaukeln??? Oda ned mit Helm Sand spuin??? Oda ned mit Helm klettern??? Wer woaß, wos des bedeit???
Wahrscheinlich, weil ja dear Bua weida obn a Schaufe in da Händ hoid, deafma an Helm ned drauflassn, sunst merktma ja gor nimma, wenn der oam sei Schaufe nauf haut!?!
Aiso, wers wirklich woas wos des bedeit, solse meln.

[Roman]

Ganz klar, mit'm Radlhelm auf'm Kopf derfst do ned spuin.
Warum? Weil des schaugt scheiße aus.

[XJR-Ritsch]

Schicks doch an Günter Grünwald.
Der g freit se immer, wenn er so an Schmarrn in seiner Sendung zoang ko.

[Roman]

Schicks doch an Günter Grünwald.
Der g freit se immer, wenn er so an Schmarrn in seiner Sendung zoang ko.

Ganz a guade Idee! Mach des, Mich.